مــاكــل رتــبــه زمٌــهــا مــتــن رجال
بعض الرتب ماتت على متون اهلها
يبـلا بـهـا خـبـلٍ يـجـي بــس حـمٌـال
والاهو بـكـفــو لحـمـلـهـا لاحـمـلـهـا
لانــافــع ابــــن عــــم ولا ولــــد خال
كفه عــن الـطـالات تـعـلـن فشـلـهـا
الا انت يامنصى الرياجيـل الابطـال
انشهد انــــك فـالــلــوازم جـمـلـهــا
رتـبـة فريق بمنكـبـك قــدر واجــلال
و الـشــرف بمعـانـقـك يافحـلـهـا
تشمخ ويشمخ راسك الشامخ العال
كنها تــوســل هـيـبـتـك تحتـمـلـهـا
يجيك يشكي من عنا جوع الاطفال
ويطلع ونفسه فيـك يكبـر املهـا
ينسف عن متونه من الضيم ماشال
لانه حـذف حملـه بقمـة جبلهـا
ياسهيل ماجيتك ابي منـك مثقـال
صيتك جذبنـي والمعاليـق سلهـا
دامك من المطران ياطيـب الفـال
قصيدتي بمدحـك ذبحهـا خجلهـا
ماهيب كفو لمدحك بكـل الاحـوال
بـس اعتبرهـا زلتـي واحتملهـا
ليست هناك تعليقات:
إرسال تعليق